انا حيرانة واش نطلق ولا نزيد فالصبر
انا عندي 21 عام مزوجة هادي عام و و 8 شهور…ولكن فالحقيقة انا ما مزوجة ما والو المهم فالاول كان كلشي مزيان داز العرس والحنة فيدي …وفرحانة …وشهر العسل …المهم كان داكشي بحال الحلم حلم زوين دغية فقت منو من بعد شهر و نص راجلي قالي غادي نمشي لسبانيا 15 يوم نقضي شي غرض و نرجع ايوا من دك الساعة ما شفتو الراجل تشبر فقضية د الحشيش وانا ما فراسي ما يتعاود …ايوا المهم سقت الخبار انا و ما نعاودلكمش على الحالة للي كنت فها اوا بقت كنستنى 9 شهور عاد صدر الحكم حكمو عليه 3 سنين هو اليوم كمل عام و نص و باقيلو عام و نص وانا مع يماه .يماه الله يسمحلي قبييييحة معيشاني فجهنم خاسها نفيق مع 7 ونعجن…وبناتها جالسين وكتستناه غير فقاش عيط باش تعمرلو الراس وهو كيسمعليها بزززاف و مؤخرا عملاتلي واحد المشكل كبير معاه و كانت النتيجة انني هزيت حوايجي لاول مرة و مشيت لدارنا و دابا كل 1 شنو كيقوللي وانا بغيت رايكم الله يرحم والديكم و يعطيكم اللي فبالكم راني كنخاف نزيد نضيع الوقت ونندم من بعد .وشكرا
0 التعليقات:
إضغط هنا لإضافة تعليق
إرسال تعليق
Blogger Widgets