نتمنى نلقى منكم مساعدة الله يجازيكم‎

  

السلام و عليكم الخوت انا بنت عندي 23 سنة المهم ندخل في الموضوع مشكلتي هو انني مخطوبة من شاب فرنسي مسلم علاقتي بيه مزيانة الحمد لله المشكل هو انه كان مزوج من مغربية تزوجت بيه على اساس شي اخر غير الزواج بحد ذاته لدرجة انها باش تحرمو من حقوقه الشرعية كاتكدب عليه باسم الاسلام و تقول ليه انه حرام و كانت تحشم تعرفو على المحيط ديالها بحكم انه عنده مشكل ديال ما كيسمعش و داير الة في ودنيه و لسانه ثقيل..مع العلم انه مسلم قبل ما يتزوج بيها و هو ما كانش عارف الاسلام مزيان قال انه لو تزوج بمسلمة غادا تساعدو في فهم الاسلام لكن هي للاسف كانت غادا تسبب في تشكيكه في ان الاسلام دين يسر …المهم قررو يتفارقو هي بقات تمشي و تجي الفرنسا و هو بحكم ما كيعرفش القانون المغربي حساب ليه انه تطلقات…لكن ملي جينا نقدمو على شهادة الاهلية في القنصلية الفرنسية اكتشفنا انها ما مطلقاش …بغينا نعرفو الاجراءات و كدلك المدة و قيمة النفقة ديالتها حيت هاد الموضوع مشكل ليا مشكل بحكم كلشي تضرب لينا في الصفر حتى خططنا للمستقبل حتى هي…بغيت اللي عندو شي معلومة يفيدني بيها الله يجازيكم بيخير و يحقق ليكم كل ما في خاطركم

I'm reading: نتمنى نلقى منكم مساعدة الله يجازيكم‎

بقلم اسم الكاتب

فقرة عن الكاتب

قسم : مشاكل بنات